Árás á lögreglu er árás á almenning

Eitt af verkefnum lögreglu er að vernda og aðstoða almenning. Og að ráðast gegn lögreglunni þar sem hún er við skyldustörf er ekkert annað en árás á heiðvirðan almenning í leiðinni. Við verðum að tryggja öryggi lögreglumanna hvernig sem það er gert. Og til þess þarf að stórfjölga í liðinu, fá þeim betri varnarbúnað og svo framvegis. Varla viljum við að ástandið verði þannig að lögreglan veigri sér við að fara í útkall til að halda uppi lögum og reglum vegna fámennis og öryggisleysis. Nei takk, stórefla þarf lögregluna og það tafarlaust!

Fólskuleg árás á lögreglu

Athugasemdir

[Hannes (IP-tala skráð) 19.10.2008 kl. 12:06]

Ég er hjartanlega sammála þér. Þeir sem setja sig upp á móti því að lögreglan fái betri búnað til að verja sig með, eru engu betri en þeir sem ráðast á hana. Þeir eru þó nokkrir hér á blogginu sé ég.

[Einar E. (IP-tala skráð) 19.10.2008 kl. 23:19]

Þið verðið samt líka að átta ykkur á því að lögreglan getur einnig orðið vopn ríkisins (valdstjórnin)  gegn almenningi. Þar af leiðandi vil ég ekki hafa þá gráa fyrir járnum.